Dilperest Şiiri - Latif Epözdemir

Ketme mitala vê yarê
Bi xeyalan bûme mest,
Badeya ku di pîyalê
Ket ji destan, cam şîkest.

Bo dîdarek çûme layê
Şerbet ji lévan vexwar
Bi yekcarek ketme tayê
Can dikêşim bi hewar.

Çûme jorê bes bibînim
Anî ber min nan u dan,
Ez bi gorê bey nemînim
Min fedayê roh u can.

Mame di seyra bejnê de
Şev ta sibê, ji pîya,
Mesté xala ser gerdenê
Ketme çîya, wek dîna.

Kom bun li min, xem bi carek
Dil u cerg naçar sûtan,
Ketne şêwrê bi dîdarek
Çavêd reş, birwê qeytan.

Wê min kir amanca tîra
Bi wan çavên tîravêj,
Ez jê re ketme tekbîra
Heta meha Gelawêj..