Dilo Rabe Xwe Ragire Şiiri - Mehmet Çoba ...

Bêrîya min zêde kûre
Welatê me ji min dûre
Lo ev hejar bû qeda min
Dilê min jî bêhedûre

Dilo rabe xwe ragire
Rojan, şevan min agire
Ev çi hale min qelîbî?
Baxê min jî gul nagire

Ev pergela patron, axan
Agir berdan hemû taxan
Gel melûlin Kurd xemgînîn
Li van salan li van çaxan

Dagirkeran min şêlandin
Jîyana min herimandin
Bi lêdanan bi zîndanan
Kezeba min peritandin

Raperîna dilê mine
Ala me ser milê mine
Ez xofa ser leşkeranim
Berxwedan hebûna mine

Bi salane ez dikelim
Bi salane ez diqelim
Ez polame ez nahelim
Ez şervanim ne çexelim

19.03.2016
Stenbol