Dilê şair Şiiri - Latif Epözdemir 2

DİLÊ ŞAİR
Bi yada hostayê helbesta Kurdî a nûjen ARJEN ARÎ

Disa îro pir xemgîn û di nav qeyrane dil
Her çend digel gulên rengîn, lê bi giryane dil.
Dûr ji yarê, şêt û şeyda fenanî miryane dil
Ketye zerya ax û zarê, bêkes û perîşane dil.

Bendeye êş û azaran , berben û serwindaye dil
Amanca tîrê kujaran, reben û bê emane dil
Kula dilê neyaran, bê tawan şermendeye dil
Barkêşê sal û zemanan, nebez lê westaye dil.

Xwe parast ji zerbê tîran, egîd û patrewane dil
Xwîn alast ew ji birînê, fêris û pehlewane dil
Hekîm hatin ji Helebê,nexweşek bê dermane dil
Seretan girt ji elemê, çare nîne bê mecale dil.

Let let buye ser heta pê parêv û biryane dil
Can dikşîne ku ta girtiye bi ax û fîxane dil
Ji destê yarek bêdad, cefakar û sitemxware dil
Malik li xwe kirye mirat, bê sitar û wêrane dil.