Dilê Dualî Şiiri - Şêxmûs Tayfûr

Hat,
bi awayekî giran giran
di bin ewran re derbasbû,
riyên dirêj,çemên bê binî li hêvîyê bûn,
ji avzêma evînê derbû bû,
kenê germ hê li ser lêvên wê bû,
rihan,beybûn,nêrgiz heval rê bûn pê re...
Çû,
bi lez û bez di tarîyê de winda bû,
di govetîya adarê de çû,
hêşînîya demsalê sêwî ma,
di bin dara behîv de kevokek mir,
şervanek çû ser dilovanîya xwe,
li pê wî,
avhewa dilşewat histû xwar ma..