Di dilê min de ma Şiiri - Ömer Dilsöz

Di dilê min de ma dîsa
evîna min bo te mezinkirî
rondik li ser rûyê min ziwa
hilçû careke dîtir kelegirî

Min pîva, min hûnand
min êş li bêndera dil kirin
dil hêra, dil gêrand
dil bo te evîn pîr kirin

Çend caran min kir ku bêjim
li ser zimanê man gotin
min kir dilê xwe bo te darêjim
lê dil bi evîna te hate sotin

Di dilê min de man dîsa
çend gotinên min bo te veşartî
birînan li nava dilê min pêlda
ji êş û janan dil û hinav biraştî

Min rêsa, min weriband
min keser li teşiya dil kirin
dil bada, dil raçand
dil ji bo te rûbar tîr kirin

03.11.2004/ Amed