Di Bin wê Çarşefa Reş da Şiiri - Fikri A ...

Di bin wê çarşefa reş da
Min çavên reş û belek dît
Di bin wan lîbasên reş da
Min ebruyên wek kevan dît.

Mijgul wek tîr li dil ketin
Dezîyê piştê şikestin
Şevên dirêj û rojên kin
Min gepên wekî sêvan dît

Bi wan xewn û xeyalên kûr
Bi wan galgal û qissên hûr
Dîwane me li diranên hûr
Min lêvê wek hinaran dît

Min ew rûyê wekî hîvê
Ewan çavên wek bihîvê
Ew gerdana bi zêr û zîvê
Min bi wan xal û xetan dît

Wan xal û xetan dil êşand
Dil û cîger li min kewand
Agir di ser min da barand
Min dil kî pizotan dît

FİKRİ AMEDÎ
http://fikriamedi.blogspot.com/