Deuc Şiiri - Ercan Cengiz

Qom qoma xorti ênê
Meymani serê cımê mı
Ênê sonê marê tırqi wanê
Cımat cımati ser gırêdanê
Allê Qerşi ser nê sonê
İna wanê oligarşiyo çı
Ez wonı Allê Qêrşi
Dêuci i rınd nasqene
Bono xo qi mara düridero
Rüyê xo qi mara tadaiso
İndi sımarê sawaci
Çiyo dı piso, zalımo
Watênamı na a qı
Hêntoqı xorti amê qema
Cı beno sa röura bıbo
Bışiyeni qê Alle Qêrşi
Ma zanimı o tersonıqo
Hegai ma qi cêverdeno
Ceniqa xo qi cêverdeno
Hêrdê ma dı nê fındeno
Tersona bıbo qi remêno.

K-06

Gırs Benê

Wonı qı ni domani
Cıka röu benê gırs
Bıne orxanora
Lınge xo wecine

K-12

Kata Sêri

Reçi qute jübini
Ezo fıqarı kata sêri
Ji recı esta
Wane mara nejdiya
Qunnı dıma sonnı
Rocdı sonnı newênı
Taridı sonnı windıbonı
Araqê şaidı monnı
Kor pısman peyser enı

Adır quto zerre mı qızqeno
Hürindiya xodı tadinı

Qunnı rêca binıra
Ai dıma qi xellê sonı
Reçi qunne jübini
Serê mı tadino
Wesano zımıstano
Teqa mı bırina
Qes çinniyo
Raodı monı

Xetê mıdı qutiqi
Xete mıdı cınauri
Ez qı nabenra veci
İna jübinira beşi.

K-15