Destê Min de Kelepçe ye

Kezeba min pir êşandin
Xwîn jî dilê min rijandin
Min avêtîn li zîndanê
Goştê canê min pijandin

Jiyan min re xopan maye
Destê min de kelepçe ye
Ji bo doza rizgarî yê
Dilê min jî ne bêhaye

Her destê min girêdane
Serde kelepçe lêdane
Çavê min de xwîn dibare
Xem û xeyal jî navdane

Halê welat jî ne ne hale
Bavê Şînda jî pir kale
Bi rojane zîndanê de
Him bêwar e, him bêhale

Rûmet min re xweş xelate
Ketim hepsê bo welate
Kê bo welat nefikire
Ew kesekî pir xelete

Mehmet Çobanoglu
25.03.2018
Silivri