Derman Yok Mudur Şiiri - Urfalı Mehmed Ş ...

Dil giriftar oldu derde ana derman yok mudur
Hâlimi şerh eylesem cânana ihsan yok mudur

Şerha şerha eyledi gönlümü belâ-yi hecriyle
Ol melek sîmada asla din u iman yok mudur

Ah kim öldürdü ayarın cefâsı canımı
Cennet-i kûyunda yârın Âb-ı hayvan yok mudur

Pençe-i kahr-ı felekte oldu âlem mest-i gam
Arz-ı hâcet etmeğe bir ehl-i dîvan yok mudur

Mübtelâ-yı hırs-ı nefs oldu kamu halk-ı cihan
Hayr u şerrin farkın eyler bir Süleyman yok mudur

Nokta-i esrâr-ı aşkı kimse idrak eylemez
İlm ile ma’rûf olan erbâb-ı irfan yok mudur

Eyledi hep nekd-ı ömrün bâde-i mahbûba sarf
Şevket-i şeydâ gibi bir ehl-i nâdan yok mudur