Derd deyil Şiiri - Sevinc Arzulu

Yada düşsən gözümdən yaş süzülər,
Muncuq kimi yanağıma düzülər.
Çətin əlim əllərindən üzülər,
Bu sevdanın əvvəli var,sonu yox

Dəli könül göz yaşıyla dinibdir,
Gözlərimin gur işığı sönübdür.
Taleyimin üzü yaman dönübdür,
Həqiqətin zər tülü var,donu yox.

Könlüm qəm yurdunda qara ev tikir,
Ağlımı başımdan alıbdır fikir.
Mənim dərdim nə bir deyil, nə iki,
Dərmanımın biri vardır,onu yox.