Denizçiler marşı Şiiri - Sevinc Arzulu

Üfüqlərə salam verər göy dəniz,
Hava gözəl, mavi sular tərtəmiz.
Bizim üçün doğma Xəzər çox əziz.
Gözümüzə görünməsin lovğalar.

Dəniz kimi kükrəyərik, coşarıq,
Sülhə gözəl, şən nəğmələr qoşarıq.
Hələ hərbin zülmətində yaşarıq,
Qoy məhv olsun müharibələr, qovğalar.

Ayrı düşsək hicrindən gözlər dolar,
Günəşdən qaralan bənizlər solar.
Xəyalımız sularında əks olar,
Asta-asta, aram-aram yırğalar.

Dəniz bizə Tanrının gözəl payı,
Əks etdirər gecələr parlaq ayı..
Yaraşıqdır hüsnünüə ağ qağayı,
Uzaq olsun bizdən qara qarğalar.

Bacarsaydım hey üzərdim qoynunda,
Neçə haqqı-sayı vardır boynumda.
Uduzmarıq dəniz-insan oynunda,
Əsl ürək dostumuzdur dalğalar.