Dem Tipî Tarî ye Şiiri - Mehmet Çobanoğlu

Ji xeman û keseran e
Tim nalîna dilê min e
Derd û kulên min zêde bûn
Ax kalîna berxê min e

Ji wan hemû sîtemkaran
Piçek aram min re nema
Şev û rojan bêçareme
Li çima kes ba min nema

Ewrên rîpûreş dor pêçan
Ecel ket nav pêsîra min
Dîsa dem tipî tarî ye
Hêstir barîn ser dêmê min

Bin hewrazan û kaşanim
Êş û jan ket nav canê min
Rojan e ez perîşanim
Werin bar kin darbesta min

Winda nabe evîna min
Bendî te me şêrîna min
Ava nebe kêlika min
Min re bese diyarê min

06.10.2014
Stanbol