Deli olalım arada Şiiri - Yorumlar

Arada bir deli olmak ve gerçekleri haykırmak hakedene tokat gibi vurmak gerek .Güzel şiirdi tebrik ediyorum.

Dəli olaq arada.

Atıb bütün hər şeyi,
Pozub hər bir qaydanı
Dəli olaq arada.
Eşidək lal sükutu,
Cavab verək səssizcə.
Baxıb üzü məchula,
Danışaq özümüzlə ağrıların dilincə.
Hamımız dəli olaq.
İnsanları durduran
qorxuları hayqırıb,
Çılpaq həqiqətləri, sonsuz əsalətləri
Bu dünyanın amansız,
Arsız-arsız irişən kobud üzünə vuraq.
Düşsün insan içinə,
Deyək onun ilidir.
Cəmiyyətdə bir il də dəliliyi dəb edək.
Dəli olmaq yaxşıdır.
Az olar yol göstərən,
Uzaq durar səhv tutan.
Bir az dəliyik zatən,
Qoy desinlər dəlidir!
Ətrafda nələr dönür,
Nə baş verir anlayaq.
Doğruları qorxmadan axtarmağa başlayaq.
Dəli olaq arada,
Dəli olaq,
Eybi yox.
'Dəliliyin'vaxtıdır!
bu ki, bizim aləmdə
'Özünü çox ağıllı hesab edən bir axmaq'-
çağrılmaqdan yaxşıdır.