Defn edim Şiiri - Sevinc Arzulu

Məni cəlb eləmir yaşıl çöl-çəmən,
Torpağın üstündə od-ocaq qurum.
Bir palıd kölgəsi axtarıram mən,
Günəş nur saçanda altında durum.

Dalım bir zamanlar şipşirin olan,
Indi acı dadan bal keçmişimə.
Burnumda yalnızca ətiri qalan,
Danışa bilməyən lal keçmişimə.

Bəlkə də haqsızam bu çözümdə mən,
Tapa da bilmirəm ipin ucunu.
Kimə oxşamışam bu dözümdə mən,
Qəlbimdə dəfn edim günah-suçumu.
19.02.2018