Daşlaşmışam men Şiiri - Sevinc Arzulu

Nədəndir asanı saldın çətinə,
Yolumu dirədin dalana, tinə.
Indi qüdrətliyəm,indi mətinəm
Təpədən dırnağa daşlaşmışam mən.

Axtarıb gəzmirsən haçandı məni,
Yazdığım şeirlər ucaltdı məni.
Etdiyin hərəkət qocaltdı məni,
Bir gündə neçə il yaşlaşmışam mən.

Görəsən bu dünya mənə nə verib?
Yalan imidlərdən bir çələng hörüb.
Etdiyim səhvlərin acısın görüb,
Çox-çox heyfsilənib “kaş”laşmışam mən.