Daşdım Şiiri - Sevinc Arzulu

Sevməyi öyrənməyib,
Həsrətə söylənməyib.
Gördüm ki seyrəlməyib,
Özüm dumanı aşdım.

Hicranın gəlişinə,
Şipşirin gülüşünə
Zamanın gərdişinə,
Gözüm yumanı, daşdım.

Bilmədim ki nə deyəm,
Bu yaşda əlvan geyəm?
Nədən özümü öyəm?
Sözün gümanı, çaşdım.

Tüstülənib gedərdin,
Istilənib gedərdin.
Vüsalıma yetərdin,
Üzük umanım, qaşdım.

Tənhalıqda döğulub,
Yalnızlıqda sovulub.
Fərəhimdən boğulub,
Dərdə cumanım, yaşdım.