Daş qırıqları Şiiri - Sevinc Arzulu

Ayağım altında daş qırıqları,
Addımı atarsam bil ki qanadar.
Fələk görməyəydi kaş qırıqları,
Yoxsa ki onları bir-bir sanadar.

Onsuz da mənimlə o öc düşübdür,
Bilməyir yolumu hardan bağlasın.
Xatirəm yadına,eh,gec düşübdür,
Xəyalaım az qalır dərddən ağlasın.

Ilahi, dərdimi tək sənə deyib,
Mən çarə gəzirəm Yer kürəsində.
Misra pıçıldamaq deyil ki eyib,
Yamanca bişmişəm şer kürəsində.