Daş bağla Şiiri - Sevinc Arzulu

Üzməsin sözüm səni,
Qarsmasın közüm səni.
Yıxmasın dözüm səni,
Ürəyinə daş bağla.

Könül gəmini qoru,
Qaldırma göyə doru.
Üzündə kədər toru,
Gözlərində yaş, ağla.

Dünya özü bir oyun,
Ay acıgözlər,doyun.
Kimsəyə əymə boyun,
Uca olsun baş,çağla.

Həsrət qarşında durur,
Vüsalı əyir, vurur.
Sən ki yemirsən quru,
Önündədir aş, yağla.

Qəlb dediyin etmişdin,
Arzu-kama yetmişdin.
Gülə-gülə getmişdin,
Dönməyəydin kaş dağla.