Darıxmaq Şiiri - Sevinc Arzulu

Sən öyrətdin əzizim,
Darıxmaq necə olur.
Nurlu olan gündüzüm,
Qəfildən gecə olur.

Zülmətə bürünür bax,
Qəlbim kimi şəhər də.
Göz gözü görməyir, ah
Udqunuram qəhərdən.

Bu dənizin səsi də,
Mənə tanış gəlməyr.
Dalğalı nəğməsi də,
Ürəyini verməyir.

Sənsizliyin açarı,
Bəlkə sizin evdədir.
Eh, qalmışam naçarı,
Günah qara divdədir.

Qarşısını o kəsdi,
Axan sevgi çayının.
Oğurladı əbədi,
Günəşimi, ayımı...