Darıxıram Şiiri - Sevinc Arzulu

Eh, indidən tutun yasın,
Ələmini başdan asın.
Kədərin nimdaş libasın,
Fələk əyninə geymədi.

Dünyamız nə günə qaldı,
Haqlını opis günə saldı.
Yalançı şair söz aldı,
Əsli özünü öymədi.

Yad ağzında çərəz oldum,
Barış ikən qərəz oldum.
Xəstələndim, mərəz oldum,
Kimsə qapımı döymədi.

Bu gün hicranın toyudu.
Şadlanan tək öz soyudu.
Ayrılıq ömür boyudu,
Vüsalsa bircə öynədi.

Göz yaşını xara satam,
İstəmirəm dərdə batam.
Darıxıram anam.atam,
Burnumun ucu göynədi.