Haqsızlıq içində nə deyim, dinim,
Həsrətin əlindən haraya sinim.
Səmada süzərkən ağ göyərçinim,
Nədən qar arzular qara qarğalar.
Erkəndən çiçəkdən şeh istəyirəm,
Dayanmış havadan meh istəyirəm.
Ağ bayraq qaldırıb sülh istəyirəm,
Qurtarmaq bilməyir dava-qovğalar.
Hicrin muncuğunu düzə bilmirəm,
Həsrət şərbətini süzə bilmirəm.
Anında boğullam, üzə bilmirəm,
Üstümə-üstümə gəlir dalğalar.
07.01.2019.
Sevinc Arzulu
Kayıt Tarihi : 7.1.2019 14:05:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!