Daê Dem Min re Kedere

Ji min re ma kul û derdê girane
Mîna keser û xema bêkesane
Dem jî min re keder û nexweşî ye
Wek koçberîya gelê me Kurdane

Li min re tengasî ye û qirîne
Dil û kezeba min de kûr birîne
Ji min re çare tune, hekîm tune
Zeman jî li min re rondik, girîne

Ax bedena min hiştin pêş çiyane
Derba min jî bi xencer û kêrane
Ez bimirim, welat me pir şirîne
Di nav de bêhna gul û gulpikane

Bi xem û bi kesera min bihêlin
Destê min bigirin min vir nehêlin
Destmala min, bi xwîna min gevez bû
Kêzikan dor min girtin pêl û pêlin

Rojane, goştê canê min dihêrin
Ez ber mirinê me, welat binêrin
Dayîka min negirî, nelorîne
Heval û hogirên min hemû şêrin

Mehmet Çobanoglu
10.01.2020
Stanbol