Da Raşiya Şoniğan Şiiri - Mustafa Hoşoğlu

Da Raşiya Şoniğan

Da raşiya şoniğan
Fisun ce şurizune
Efiğan da puliya
Kleğun ce çirizune.

Da şona eklisane
Da filam, da kladiyam
O tina eğabesa
Ekapse din kardiyam.

Nalündane da şona
Nabame sa barxara
İban i sevdas narde
Eğo pola exara.

Evrekse eşonikse
Evraxan da ğuliyas
Porpatis ada açi
Stekune da duliyas.

Do şon erse sin porda
Na riğo na pağono
İ sevdam en sa makra
Rodimo ce ziğono.

Eğo panda leğose
İse pola emorfo
Do tiyas akuğune
İ kardiyas en kofo.

Mustafa HOŞOĞLU
      10.12.2018