Çiyayê Dilê Min Şiiri - Abdurrahman Atabey

Çiyayê Dilê Min

Çiyayê dilê min xerîb û belengaz e
Sorgul hişk bûn, kulîlk bêreng
Baran nabare
Ez nizanim, ne payiz, ne jî zivistan e
Bilbil digirî rohnikê wan xwîn dibare
Hesreta te ez sotim dûr neçe, kerem ke;
Kerem ke tu newroz û bahara dilî
Kerem ke tu derman û daxwaza dilî
Kerem ke tu nexş û sîqala dilî
Kerem ke tu zemzem û jiyana dilî
Ez çi bêjim bo cemalê,
Tu ji rojê cindîtir î,
Ez çi bêjim bo aşiqan,
Kelîmeyên e’şqê tu yî
Ez çi bêjim bo şairan,
Taca Helbestan tu yî
Ez çi bêjim bo çiyayê dilê xwe
Dîvane ye bêlome
Aşiqê e’şqa te me

Abdurrahman Atabey
07.01.2012 Diyarbakır