Çıxan vaxtıdır Şiiri - Sevinc Arzulu

Məhəbbət qoynunda ilan bəsləmir,
Küsüb barışanı sülhə səsləmir?
Ayrılıq dirənib, düşmək istəmir,
Vüsalın yoxuşa çıxan vaxtıdır.

Xəyalım ruhunla hey danışmada,
Ulduzla,ay ilə xoş tanışmada.
Kədər məğlub olub son yarışmada,
Fərəhin əlimi sıxan vaxtıdır.

A dünya, mənəm ki sakitin, dincin,
Haqına sözümdən nə küs, nə incin.
Indi bilirsənmi adım sevincin,
Qüssənin evini yıxan vaxtıdır.