Çetin qaçılar Şiiri - Sevinc Arzulu

Tanrım, səndən özgə, əziz kəsim yox.
Göylər sakit, bir azacıq nəsim yox.
Özü kimi əsrarəngiz rəsm yox,
Bu gecənin sirri nə vaxt açılar.

Acı olur həsrətin lal röyası,
Hər könüldə vardır kədər dünyası.
Günü-gündən azalır bax, ziyası,
Tənha qəlbdən qara işıq saçılar.

Həyat baxça, göz yaşıdır bəhəri,
Boğazına tıxanıbdır qəhəri.
Yoxa çıxır aydınlığı, səhəri,
Dünya nalan, qəmdən çətin qaçılar.