Çerpeleng Uçurtma Şiiri - Sevinc Arzulu

Köhnə ayı doğrayıb,
Ulduzu acıtmısan.
Gözlərimdən oğrayıb,
Yuxumu qaçırtmısan.

Kuzə çoxdur, səhəng tək,
Marığa yat pələng tək.
Xəyalı çərpələng tək,
Göylərə uçurtmusan.

Günahkardır özləri,
Görmürdümü gözləri.
Söylədiyin sözləri,
Üzündən köçürtmüsən.

Baxçanı bağ etmisən,
Məni də tağ etmisən.
O qədər ağ etmisən,
Sevdanı kiçiltmisən.

Könül qüssədən doyub.
Özünə fərəh oyub.
Məni növbədə qoyub,
Əğyarı keçirtmisən.