Çenim üste Şiiri - Sevinc Arzulu

Cəbri sozalsın deyə,
Qəbri göz alsın deyə,
Səbri azalsın deyə,
Qar yağar qəmim üstə.

Hicrin qəlbi yuxalsın,
“Hə”nin yerin yox alsın.
Istəyirdim çoxalsın,
Az gələr kəmim üstə.

Yellər daş çalıb gedər.
Sellər yaş dalıb gedər,
Illər baş alıb gedər,
Dən yağar dənim üstə.

Bacamız pis sökülər,
Torpağa his tökülər.
Üstəlik sis çökülər,
Dumanım, çənim üstə.

Qələbə günü gəlsin,
Qarı düşmən gəbərsin.
Tanrı qanadın gərsin,
Ana vətənim üstə.
18.06.2019