Cem yerin Şiiri - Sevinc Arzulu

Fərəhlənib gülüşəyim,
Sevdamızı bölüşəyim.
Yığışaraq doluşayım,
Həqiqətin kəm yerinə.

Demirəm ki ayrılağın,
Məhəbbətdən sıyrılağın.
Oddan, közdən qayrılağın,
Düşək yurdun nəm yerinə.

Gül-çiçəklər axın-axın,
Dərib telinizə taxın.
Kədəri qoymayaq yaxın,
Fərəh biçək qəm yerinə.

Hər bir dərdə dözər insan,
Ayrılıqlar gəlməz asan.
Görürsənmi tökür leysan,
Həm yurduna, həm yerinə.

Zaman bizi cərgəliyə,
Adam-adam bərgəliyə.
Yığışayıq birgəliyə,
Toplanağın cəm yerinə.