Cem gedibdir Şiiri - Sevinc Arzulu

Bu dünyadan nə tez doydu,
Dərdli ürəkləri oydu.
Gözləri qan-yaşlı qoydu,
Çoxdan xoşbəxt dəm gedibdir.

Dəniz kimi çağlamayın.
Nur yolunu bağlamayın.
Səbr edin,ağlamayın
Ürəklərdə qəm gedibdir.

Yazı yazan qədər oldu,
Cavan ömrü hədər oldu.
Könüllərdə kədər oldu,
Fərəhi çox kəm olubdur.

Bu itki,ağrı,nə acı
Gedib ailənin tacı.
Gözü yaşlı qardaş-bacı,
Qara gözlər nəm gedibdir.

Dost-qohumlar çəkirlər ah,
Vəfasızdır ömür vallah.
Min rəhmət eyləsin Allah,
Dərdlə möhnət cəm gedibdir.