Çeken olmadı Şiiri - Sevinc Arzulu

Ayrılığı boşadım mən,
Çün vüsallla qoşadım mən.
Bunca ömür yaşadım mən,
Nazımı çəkən olmadı.

Bir vaxt yağdı söz yağışı,
Uca tutdum hər alqışı.
Tablolarda ömrün qışı,
Yazımı çəkən olmadı.

Sözün hərəsi bir toxum,
Şeir-mənim varım-yoxum,
Nədən dilə düşdü çoxum,
Azımı çəkən olmadı.

Hanı mənim yaşıdım, hey,
Dərdi birgə daşıdım, hey.
Üşüdükcə üşüdüm hey,
Qazımı çəkən olmadı.

Neynəyirəm mən yamanı,
Qalmayıb daha zamanım.
Başım üstdə -tar-kamanım,,
Sazımı çəkən olmadı.