Cavidan Şiiri - Sevinc Arzulu

Səbayeldə doğuldun,
Qaya tək sərt yoğruldun.
Sən ki ölməz oğuldun,
Əcəl gəldi haradan.
Cavidan.

Erməni xar tikanı,
Vermədin heç imkanı.
Xocavənd son məkanın,
Belə yazdı Yaradan.
Cavidan.

Dildə sözün hələ də,
Sönməz közün hələ də.
Dünya özü hələ də,
Seçmir ağı qaradan.
Cavidan.

Dan yeri sökülübdür,
Qaranlıq çökülübdür.
Tabutun bükülübdür,
Al, göy, yaşıl xaradan.
Cavidan.

Siz tək igid harda var,
Məğlub edildi hay-xar.
Cüt medalın yadigar,
Qiymətlidir paradan.
Cavidan.

Gözəl zəfər çaldınız,
Qarabağı aldınız.
Tarixdə mərd qaldınız,
Meh saçını daradan.
Cavidan.