Çatır qelbime Şiiri - Sevinc Arzulu

Bu qaranlıq meşə kimin,
Bu qorxulu guşə kimin.
Baxışların şüşə kimi,
Batır qəlbimə,qəlbimə.

Dünya mənə zindan, kaha
Sevinmərəm mən bir daha.
Fələk dərdi-qəmi baha,
Satır qəlbimə, qəlbimə.

Qaraladın naxışımı,
Ulduz kimi axışımı.
Bulud soyuq yağışını,
Atır qəlbimə, qəlbimə.

Unutdum toy-düyünü də,
Yad gəlir səsi-ünü də.
Fələk, adi xoş günün də,
Yatır qəlbimə, qəlbimə.

Bu fələyin qisasımı,
Görəsən qan qusasımı.
Xoşbəxtliyin qısasımı.
Çatır qəlbimə, qəlbimə.