Çaş-baş qalmışam Şiiri - Sevinc Arzulu

Ağlamaqdan doymayan,
Hicri tənha qoymayan.
Hanı mənlə oynayan,
Əldə şabaş qalmışam.

Çayın suyu durulmur,
Bizə tərəf burulmur.
Qurumur ki qurumur,
Gözləri yaş qalmışam.

Acı sözlər oxundu,
Ürəyimə toxundu.
Köksüm altda sıxıntı,
Dilimdə kaş qalmışam.

Boyandım boya ilə,
Oyandım röya ilə.
Əzəldən dünya ilə
Cırmaq-savaş qalmışam.

Bələdəm vərdişinə,
Dövrani gərdişinə.
Fələyin hər işinə,
Vallah çaş-baş qalmışam.