Cansu nevem Şiiri - Sevinc Arzulu

Artıq dolmusan beş yaşa,
Dostsan yeganə qardaşa.
Arzum budur xoşbəxt yaşa,
Tezliklə geri dön evə,
Mənim gözəl Cansu nəvəm.

Sizə qol-qanag gərirəm,
Çəməndən lalə dərirəm.
Ayağın altda sərilər,
Toxuduğum güllü gəbə.
Mənim gözəl Cansu nəvəm.

Səs eşitcək karıxıram,
Kölgə görcək qarıxıram.
Sizsiz yaman darıxıram,
Gəl, yenə oxşayıb sevəm,
Mənim gözəl Cansu nəvəm.

Deyim Tanrı qüdrətindən,
Kim vaz keçər sərvətindən.
Sizsiz varım-dövlətim də,
Uzaqlarda qalıb dəvəm,
Mənim gözəl Cansu nəvəm.

Ağ atını dördnala çap,
Axtar, ara səadət tap.
Bir azca eyləsin insaf,
Kömək olsun Məkkəm, Kəbəm,
Mənim gözəl Cansu nəvəm.