Canındaki Canan Raci'dir Huzur

Herkesin fikri huzur olmak neyi fikr eylese,
Bi-cihet canındaki canana raci’dir huzur.

Cümle evsaf-ı güzinin gayesi ancak budur,
Saliki ta tenha-yı feyze rafi’dir huzur.

Cani b-i ma’nada kurb-ı ba’d olmaz caygir,
İttisal ü infisaluz berke lami’dir huzur.

Âlem-i gayb-ı hüviyyetden gelur can u dile,
Yoksa sufi sanma ki bir kayda tabi’dir huzur.

Şekker-i fikr-ü hayali gerçi eylerler hücum,
Hiç biri anlamaz amma seyf-i katı’dır huzur.

Her kimi görsen deminde la’übal idi bu gün,
Derd-i Hak fikrinde yokdur gayr-ı vaki’dir huzur.

Fark amma meşreb-i şüttarı olmazlar ubus,
Zahirinden anlaşılmaz gayr-ı şayi’dir huzur.

Aşıkın aşkı budur kâmillerin feyzi budur,
Müntehadır cümleye sahra-yı vasi’dir huzur.

Nakd-i vaktin cüst ü cu-yı vasla sarf etmek gerek,
Bul huzur anla kim sırrı camidir huzur.

Hafız Osman Bedreddin Erzurum-i Hazretleri