Canan Şiiri - Zandar Amari

Ey cana canê min
Dermanê derdê min
Xweşiya serê min
Kulîlka baxê min

Ey can û hem canan
Ronîya van çavan
Roja herdû danan
Ey zanyara zanan

Nêrgiza tahtikan
Mêgiza beltikan
Şivana kehrikan
Kulîlka dahlikan

Tavika vistanê
Şînîya bostanê
Ru herdem bîstanê
Li tor û botanê

Sihika havînê
Dengê li şêvînê
Jiyana evînê
Li min xemrevînê

Denganê dilê min
Bersiva bangên min
Hevala şengên min
Tu xemla rengên min

Beybûna hewşa min
Hebûna geşya min
Xweşbûna rewşa min
Piştanîya pişta min