Can alan gözel Şiiri - Sevinc Arzulu

(Mənsurəyə zarafatyana))

Çoxdandır görmürəm gözəlliyini,
Necəsən sözləri can alan gözəl.
Axır anladılar özəlliyini,
Gəmisi sahilə yan alan gözəl.

Hərdən “yox” əvəzi “bəli” olursan,
Hərdən əsəbləşib dəli olursan.
Hərdən də yapışıb zəli olursan.
Gülərək adamdan qan alan gözəl.

Əl üstə qoymazsan heç vaxt əlini,
Astaca dararsan siyah telini.
Yenə işə saldın “şirin” dilini
Arının özündən şan alan gözəl.
11.03.2015