Bülbül ötmeyir Şiiri - Sevinc Arzulu

Uzanı qalıb qollar,
Quruyub yaşıl kollar.
Bağlanıb bütün yollar,
Yar yarına yetməyir.

Uçdi cahu-cəlalın,
Azalmadı məlalın.
Yatanda da xəyalın,
Göz önündən getməyir.

Gülləri yolub vüsal,
Saralıb-solub, vüsal.
Ərköyün olub vüsal,
Dediyimi etməyir.

Bu qocalıq çağımda,
Qaranlıq var ağımda.
Neynəyim ki bağımda,
Qızılgüllər bitməyir.

Ayrılıq çox kasıbdır,
Üstündən zər asıbdır.
Baxçamı ot basıbdır,
Sarı bülbül ötməyir.