Bu vaxtsız qonaq Şiiri - Sevinc Arzulu

Bir il də beləcə arxada qaldı,
Bir il də astaca ötüşüb getdi.
Bu bir il sağlığı çoxundan çaldı,
Ölüm olum ilə öpüşüb getdi.

Ötən il qələbə, zəfər iliydi,
Ötən il bizlərdən nə aldı, Allah.
Ötən il yoxluğa səfər iliydi,
Karona kimləri gör çaldı, Allah.

Yenə də kəsilir gur budaqları,
Kimin düşmənidir bu baxtsiz qovaq.
Yenə də tikilib sərt dodaqları,
Getməyə tələsmir bu vaxtsız qonaq.