Bu şeherin ulduzları Şiiri - Sevinc Arzulu

Bu şəhərin ulduzları,
Gecələr sayrışmayır.
Bu qəhərin al buzları,
Dənizə qovuşmayır.

Içimdəcə donub qalıb,
Xatirələr bulağı.
Ala gözlər sönüb qalıb,
Eşitməyir qulağı.

Səsləndikcə ayrılığın,
Kədər simfoniyası.
Pozulacaq məhəbbətin
Rəngli harmoniyası.

Fərəhi qəmə satmayan,
Dünya adi olacaq
Vüsal özü əlçatmayan,
Uzaq vadi olacaq.

Nə yolumuz düşəcəkdir,
Nə gəmimiz gedəcək.
Nə sevincim dönəcəkdir,
Nə qəmim ötüşəcək.