Bu şeherin Şiiri - Sevinc Arzulu

Bu şəhərin küçələri pərişan,
Ağlamağa göz yaşı da qalmayıb.
O qədər ki sən qoymusan nəm-nişan,
Səndən başqa sirdaşı da qalmayıb.

Məlul-məlul yollarına boylanır,
De hardasan, qaldın harda əzizim.
Arxanca hey danışıban haylanar,
Səni də ol intizarda,əzizim.

Bəlkə bir gün qayıdarsan geriyə,
Addımını əsirgəmə küçədən.
Xatirələr səninlə bir yeriyər,
Yatar şəhər, keçər xeyli gecədən.
15.11.2017