Bu şeherin küçeleri Şiiri - Sevinc Arzulu

Bu şəhərin küçələri adamsız,
Bu şəhərin küçələri qəribdir.
Ağacların meyvələri çox tamsız,
Üstünə qəm qanadını gəribdir.

Bu şəhəri hönkür-hönkür ağlamaq,
Səcdəsinə diziüztə çökək biz.
Bu şəhərin yollarını bağlama,
Razı olma, göz yaşları tökək biz.

Bu şəhərin divarları qaladır,
Təkcə külək addımlayıb keçər də.
Bu şəhərin başında nə bəladır,
Kim bizə dost, kim də düşmən.Seçək də..

Bu şəhərin gözün virus qorxudub,
Bu görünməz bəlanı da adlarıq.
Nə zamansa karonanı unudub,
Olub-qalan tozunu da odlarıq...