Bu qız Şiiri - Sevinc Arzulu

Gəlişiylə payız-qışı yaz edər,
Qəm-kədərli keyfi belə saz edər.
Vallah,bütün oğlanlara naz edər,
Sallanıban gedənə bax,gedənə.

Yaman yelli,bu qız evi tikilmiş,
Gül siması ilahidən çəkilmiş.
Göz qamaşar,ağ mərmərdən tökülmüş,
Aman Tanrım,bədənə bax,bədənə.

Sevdiyiylə danışmamış,gülməmiş
Bir dəfə də göz yaşını silməmiş.
-“Yaxınlaşma mənə,elçi gəlməmiş”,
Dediyini edənə bax,edənə.