Bu qeder Şiiri - Sevinc Arzulu

Çiçəyin gülüşünü,
Bizimlə görüşünü.
Baharın gəlişini,
Bu qədər gözləmədik.

Durruq günəş doğalı,
Qaranlığı boğalı.
Paxlavanı, qoğalı
Bu qədər özləmədik.

Həsrətdə azdığının,
Qoşa xətt cızdığının.
Bəzən tərs yazdığını
Bu qədər sözləmədik.

Çatma qara qaşını
Ataq hicrin daşını.
Qəlbimizin başını
Bu qədər közləmədik.

Koronadan qorx, üşün,
Bir az dərindən düşün.
Xəstəliyin gedişin,
Bu qədər izləmədik.

Əfv diləyək Tanrıdan,
Qorusun dərd-bəladan.
Özümüzü hamıdan
Bu qədər gizləmədik.