Bu günah kimin Şiiri - Sevinc Arzulu

Eh, belə gəlib də gedəcək zaman,
Axı xatirələr verməz ki aman.
Xəyalın gözümdən itməyir bir an,
Ruhun qanad çalır bu gün ah kimi.

Doyunca dadmadım, etmədim nuşu,
Gedibdir gəncliyin başından huşu.
Bəxtin uçurduğu xoşbəxtlik quşu,
Çiyninə qonubdur bu gün, ah, kimin.

Pislikdən ucaltsan olmaz səməri,
Dostum, yaxşılıqla qoy sən təməli.
Təkcə Allah görür hər bir əməli,
Kim hardan bilir ki bu günah kimin.