Bu Cümle Nesneye Şiiri - Elvan Çelebi

Bu cümle nesneye aşkdur bahane
Bahane aşk u hem aşkdur bahane

Bu aşk içinde birdür câm u sâkî
Bu aşk içinde birdür dâm u dâne

Bu aşkdur kaail-i lâfz-ı Ene’l-Hakk
Bu aşkdur kaail-i Mansûr yâne

Bu aşkdur kâşif-i esrarı gönlün
Bu aşkdan açılur mânı bu cana

Bu aşk âyinleri bu aşk içinde
Görinür zat-ı maşuka ayâne

Bu aşkdur âşık ü maşuka olan
Sâlâdur âşık u mâşûk olana

Bu aşkdur ol ezel gencin kılan fâş
Bu aşk oldı nişân ol bî-nişâne

Nice kılsun bu bir söz aşkı mâlûm
Ki şerhi sığmadı bir dâsitâne

Hele Elvan fedâ kıl din ü fidinî
Bu aşk içinde kalma hânümâne