Boylanır Şiiri - Sevinc Arzulu

Çay tək yatağından enib axmadın,
Şimşək tək səmamda qəfil çaxmadın.
Bir dəfə geriyə dönüb baxmadın.
Sənin əvəzinə yollar boylanır.

Məni uzaqlara fikir aparır,
Dilimdən düşməyən “şükür” aparır.
Masmavi səmaya zikr aparır,
Tanrı dərgahına qollar boylanır.

Sən həsrət qalmısan gözəl röyaya,
Fərəhlə baxmırsan nurlu dünyaya.
Çəmənin bənzəyir susuz səhraya,
Hər yerdən qupquru kollar boylanır.
30.07.2015