Bölen gerek Şiiri - Sevinc Arzulu

Hey axtarır gözüm kimi,
Alışaram közüm kimi.
Indi mənə özüm kimi,
Dərdi-səri bilən gərək.

Yaşa ömrün hədərini.
Tanrı yazıb qədərini.
Fərəhini.kədərini,
Mənim ilə bölən gərək.

Dəniz tək coşub çağlaram,
Qəmin yolunu bağlaraM.
Adicə sözdən ağlaram.
Göz yaşımı silən gərək.

Çiçək bitməz gül kolunda,
Tikan sağında-solunda.
Mənim kimi dost yolunda,
Həlak olub ölən gərək.

Eşq şərabın su tək içən,
Yolunda canından keçən.
Çiçəyi çiçəkdən seçən,
Sevinc kimi kölən gərək.