Böldüm, zalım Şiiri - Sevinc Arzulu

Mövlam mənə gör neynədi,
Yaralarım çox göynədi.
Hislərimi kül eylədin.
Mən səninlə öldüm, zalım.

Dərd var hicrdən betər ki,
Harayıma kim yetər ki.
Bundan sonra nə bitər ki,
Xəzan vurmuş çöldüm, zalım.

Ayrılığa dözmək olmur,
Düyününü çözmək olmur.
Sularında üzmək olmur,
Səthi donan göldüm, zalım.

Əzizim, tanı dünyanı,
Öldürən cani dünyanı.
Bizim bu fani dünyanı.
Tək səninlə böldüm, zalım.